Tuesday, March 29, 2016

ජනපතිගෙ උත්සවයටත් මණ්ඩලේ විදුලිය කපයි

From Lankadeepa -  පුෂ්පකුමාර ජයරත්න

වයඹ පළාත් සෞඛ්‍ය හා දේශීය වෛද්‍ය අමාත්‍යංශ සම්මාන උළෙලේ ප්‍රධාන ආරාධිතයා වූ මෛත්‍රිපාල සිරිසේන ජනපති කථාකරද්දී විදුලිය විසන්ධි විය.

රටේ පවත්නා අයහපත් කාලගුණය නිසා විදුලිය විසන්ධි කිරීමට යෝජිතව තිබුණද එසේ නොකරන බව විදුලි බල අමාත්‍යංශය කියා සිටියත් ජනපති කථාව අරඹා විනාඩි 10කට පසු විදුලිය විසන්ධි විය.

හදිසියකදී ක්‍රියාත්මක කිරීමට තිබූ විදුලි ජනන යන්ත්‍රයද ක්‍රියා විරහිත විය. පැය බාගයක්ම ශ්‍රවණාගාරය අඳුරේ පැවතියේය. විදුලි පන්දම් ආධාරයෙන් තිළිණ ද ප්‍රදානය කළේය. වයඹ පළාත් සභාපති ටිකිරි බණ්ඩා අධිකාරී මීට පෙර වතාවකදී මාධ්‍යවේදීනට බැන වැදීම නිසා කුරුණෑගල සියලුම මාධ්‍යවේදීහු මෙම උත්සවය වර්ජනය කළහ.

උත්සවය කුරුණෑගල පළාත් සභා ශ්‍රවණාගාරයේදී පැවැත්විණි.

No comments:

Post a Comment